و دي اذكي حيل الشيطان و هي انه يوصلك الي عدم قيمة الصلاة و ان ربنا مش هايسمعك و مش هايستجيب ليك و اخيرا ريح دماغك و لا تصلي ولا حاجه . فعلا الشيطان زكي جدا" .
و لكن لما نفسر التفكير ده مع بعض هانلاقي ان الوحيد الي مصلحته مايكونش ليك صله بربنا هو الشيطان اذن التفكير ده من الشيطان و ليس نابع منك و التفكير ده بيوصل لكل الناس و لكن علي حسب استقبال الناس للتفكير ده و معرفتهم لقيمة الصلاة .
لذلك لابد ان نوضح معني كلمة صلاة ؟؟؟
كما يقول قداسة البابا في كتاب كلمة منفعه
"الصلاة هي فتح القلب لله لكي يتحدث معه المؤمن حديثا ممزوجا بالحب و بالصراحه هي عرض النفس امام الله "
ببساطه الانسان بيفتح قلبه لربنا و بيفضفض بكل اللي مضايقه و اللي تعبه في حياته و كمان بياخد الارشاد من ربنا علشان يقدر يكمل في حياته ببساطه بتصلي لآنك انت اللي محتاج الصلاة دي مش هاتتفضل علي ربنا يعني و هاتعطيله من وقتك .
كيف اصلي ؟؟؟
1-ان صليت صلي في الخفاء .
2-اعطي قلبك لله ووجه نظرك نحوه ( ببساطه انسي العالم و شهواته و مشاكله و صلي بقلب مفتوح للصلاه فقط )
"فالقلب المنكسر المتواضع لا يرزله الله" مزامير51 : 17
3-لا تكن صلاتك بكلمات تتفوها فقط بل تصلي بقلبك . حتي لا تبقي مثل الامم تكرر الكلام باطلا "
"لأن هذا الشعب قد اقترب الي بفمه و اكرمني بشفتيه و اما قلبه فأبعده عني" اشعياء 29 : 13
فلا تبعد قلبك عنه بل قرب قلبك اولا ثم الكلمات ستخرج وحدها من فمك دون ان تشعر .
ليست هناك تعليقات:
إرسال تعليق