عمو الارهابي
يارب تكون بخير
طاهر القلب وطاهر التفكير
انا ماجي!!
اصغر شهداء البطرسية
فاكرني يا عمو ؟
انا ماجي البنت الشقية
ايوة هي
ايوة عليك نور
البنت الكافرة المسيحية
كنت عايزة اسالك سؤال
سؤال بسيط متخفش
ولا حتى تكون حيران
انا ذنبي ايه اني اموت ؟
دا انا يدوبك ماسكة شنطة
فيها اشرب تناول وبكو بسكوت
ولا هي سلاح ولا نبوت
كنت جاية مع ماما اصلي
فجاة كان ال حصلي
انفجار وصراخ ودموع
وقلبي ساعتها كان موجوع
كان موجوع اكتر عليك
عشان فهموك اني كافرة
وضحكوا باسم الدين عليك
وانتي يعيني شب صغير
لا بيك ولا حواليك
طيب انا في السما
وانت فين اراضيك
ايه الاخبار عندك لقيت جنة
ارجوك ياعمو اوصفها لنا
بس انا عارفة اخرتك
فبلاش توصف جنتك
نار لا تطفى ودود لا يموت
بحيرة كبريت وانت فيها مربوط
كنت اتمنى تكون معايا
في الابدية بيسوع مبسوط
#اذكرينا_ياشهيدة_ماجي_امام_عرش_النعمة
