وأزاى تسمح ليأسى يسكن بين الضلوع
وأزاى أكون أنا ليك وقلبي أنا موجوع
............
تجارب العالم كويتني بنارها يا يسوع
مشتاق أشوف أنا أيدك ترشدني للرجوع
يا ابويا أنا مستني بصرخة قلبي الموجوع
ودموعي بقيت علامة لضعفي يا يسوع
أمسح لي دمع عيوني وأروينى من الينبوع
من غيرك انا تايه في طريق من غير رجوع
يارب ليه نسيني دا انا ابنك وقلبي موجوع
وظنيت بأني وحدي وفضلت أنادى ربى
وفاجأة جاني صوت وقالي مالك خايف يابنى
وبكيت بحرقه قلبي هو أنت فكرني ياربى
رد عليا وقالي ده ضعف أيمان يا أبنى
انا واقف هنا جانبك من قبل ما تنده يابنى
خوفك عدم إيمان وتعبك ملوش مكان
دا أنت في قلبي مهما طال الزمان
دا انا سمحت لك بالتجربه وطلعت غلبان
تبكى وتقول انا سيبتك بقى دا اسمه كلام يا انسان
اسيب ابنى يدور فى طواحين المكان
دا انا سميتك ابنى ودعيتك ليا يا انسان
وكرمتك واديتك نعمه تقوى الابدان
خليك فاكر ياابنى لو دورت فى اى مكان
ما تلاقى قلب يضمك غير قلب ابوك الحنان
ولوهاجت الدنيا حوليك انا واقف جانبك يا انسان
حياتك ليها عندى خطه اتقبلها بحب وامان
دا انا مت بدالك انت واتحملت كل الاهوان
ليست هناك تعليقات:
إرسال تعليق