الرجل يصرخ بصوت عالى جدا فى وجه البابا كيرلس وهو يقول : ايه .. ايه .. ايه اللى جابنى هنا خرجونى من هنا انا مش عاوز اشوفه

 يروى احد تلاميذ البابا كيرلس السادس المقربين ان البابا ذات يوم استيقظ فى الصباح الباكر قبل خيوط النور وصلى مزاميره كالعادة ثم صلى التسبحه ثم نزل الى الكنيسة لصلاة القداس الالهى وقام بالدعوات والسلامات والصلوات لكل من هم كانوا فى القداس ثم صعد الى السكن وجلس فى صالون الاستقبال لمقابلة كل صاحب مشكلة او له سؤال وطالب دعاء...وذات يوم كالعادة من شدة التعب وبعد ان انصرف جميع الناس من عند البابا واصبح الصالون خالى من الناس سند البابا راسه على جانب من جوانب كرسيه العالى حل عليه النوم وراح فى النوم ...وراه التلميذ على هذا الحال فلم يشا ان يقلق البابا بل تركه ان ينعس وهو جالس على كرسيه ولو الى دقائق يستريح فيها من تعب اليوم وفى هذه الاثناء جضر شخص يريد مقابلة قداسة البابا وانه حضر من بلد بعيدة ولابد من مقابلة سيدنا ضرورى كما انه مستعجل لانه مرتبط بمواعيد والتزامات ... فقال له تلميذ البابا : ان سيدنا متعب ودخل القلاية لكى يستريح قليلا . ولكن الرجل الح على تلميذ البابا فى مقابلة قداسته .... ولما كان الرجل يلح بشدة فتح تلميذ البابا باب الصالون وجد ان البابا فى حالة نعاس وهو جالس على كرسيه فقال للرجل : حظك كويس سيدنا لسه لم يدخل القلاية بعد اتفضل ادخل بس ارجوك بسرعة علشان سيدنا يستريح....... فدخل الرجل الصالون على اطارف قدميه وكان البابا فى نعاس كامل وهو جالس وتقدم الرجل قليلا ناحية البابا واذ بالرجل يصرخ بصوت عالى جدا وهو يقول : ايه .. ايه .. ايه اللى جابنى هنا خرجونى من هنا انا مش عاوز اشوفه... استيقظ البابا وتنبه ونظر الى الرجل فاحصة وعرف ان الرجل يسكنه شيطان فصرخ البابا فى وجه الرجل وقال : انت جيت برجليك تعالى هنا .....ووضع البابا صليبه المبارك على راس الرجل وصلى له بضع مزامير فصرخ الرجل بصوت عالى لم يحتمل صلاة البابا ولاصليب المسيح فارتمى على الارض وهو يهذى وهو يقول : خلاص خارج .. مفيش فايده .. انا مش قدوة ده راجل شديد محناش قده... وخرج الروح الشرير وعاد الرجل لكى يهنا بالنوم الذى فارقه منذ سنوات (وهذا هو البابا كيرلس مرعب الشياطين.........)