.في خلوتي بدير الأنبا مقار تقابلت مع اب راهب وقور ، شيخ روحاني ،
وجهه ممتليء بالنعمة ، هاديء جدا ً ، صوته لا يكاد يُسمع ،
لكنه صوت صادق يخترق القلب ، يحكي ببساطة قلبه كقلب طفل .
كان يُحدثني عن محبة يسوع فحكي لي وقال :
مرة كنت مريض ، وعرفت ان واحد من اخواتي
الرهبان هو كمان مريض ،
.وكنت عاوز اروح ازوره ، لكني كنت مريض جدا ً
فمكنتش قادر اتحرك من قلايتي ،
في صلاتي بالليل رفعت قلبي لربنا و قلت
له يارب انا عاوز ازور ابونا فلان لأنه عيان ،
بس انا مش قادر ، فمن فضلك يارب
شيل المرض من علي ابونا و اديهوني انا .. !
.صمت ابونا قليلا ً وتنهد وقال :
يظهر ان ربنا بقلبه الحنين ، مستحملش الصلاة دي ،
و شفاني انا في الحال !
فلقيت نفسي كويس ، فمجدت ربنا و شكرته ،
وتاني يوم الصبح رحت زرت اخويا الراهب ،
فلقيته هو كمان اتشفي !
.
فمجدت ربنا في سري ، لكن ابونا أصّر و سألني :
يا ابونا انت عملت ايه امبارح ؟
قوللي ، عملت ايه امبارح .. متخبيش عليا .
رحت حكيت له اللي حصل واني طلبت من ربنا يشفيه
ويديني انا المرض ، فربنا شفانا احنا الاتنين ..
و صلينا و شكرنا ً ربنا علي محبته .
ربنا حنين جدا ً .
آمين .الله من محبته لنا .. يصنع معنا أكثر مما نسأل أونفهم . المجد لك يا محب البشر الصالح .
ردحذف