معجزه للسيده العذراء وامير الشهداء مارجرجس والقديس ابانوب...بركتهم وشفاعتهم مع جميعكم معجزة مش بسيطة حصلت مع اسرة "عادية".

المعجزة حصلت مع الاستاذة/ راندا بخيت.

هي انسانة عادية بس تعبانة وعندها تجارب كتيرة... جوزها مات من حوالي 10 سنين وابنها مات من 2007 وبعد كده حصلها المرض اللي هحكيهولكوا... فربنا حب يظهر مجده معاها على صبرها وايمانها اللي مقلش بمرور الوقت...
وهي الحقيقة مليانة تواضع وهي بتحكي القصة وبتقول انها انسانة عادية وانها اقل واحدة كمان!!!
هي امراة طيبة القلب أصيبت بجلطة في المخ وذهبت الى المستشفى وتعب اﻻطباء ولم يعرفوا السبب ثم خرجت من المستشفى الى دكتور مخ واعصاب قال لها روحى لدكتور نفسانى وذهبت الى دكتور نفسانى واحتار اﻻطباء ولم يعرفوا السبب...

وفي يوم وهي كانت تعبانة ذي ما هي فدخلت تريح لوحدها في الاوضة فحصل ان فجاة سمعوا صوتها فدخل اهلها لقوها بتقول مارجرجس جالي و قال لي انتي مش عارفة انا مين قالت لا قالها انا مارجرجس و مينا (ابنها المتوفي من ٢٠٠٧) بيسلم عليكي و ظهر نور و زيت على المراية كتييير و مكملتش كلامها لقوا زيت ريحة الحنوط وطبعا كلهم فرحانين و مش مصدقين ان دا يحصل وشوية و قامت لقوها ذي الفل خفت!!! وشوية و دخلت الاوضة و اهلها معاها وبيتكلموا وفجاة براءت و غابت عن الوعي فاتخضوا كلهم عليها بس سبوها علشان حسوا انها شايفة حاجة... ولما فاقت قالت ان مارجرجس ظهر تاني و معاه مينا (ابنها) لابس التونية والقديس ابانوب وسألت انت مين قالها انا ابانوب صاحب مينا ابنك

والعذراء مريم قالتلها انا زعلانة منك عشان قلتي اول مرة يحصلي معجزة! لكن انا شلت ليكي الغدة قبا كدا و انا ديما معاكي... وشوية و حصل تاني الموضوع بس المرة دي كانت بتقول اللي بيقوله مارجرجس قالها دا مش مرض نفسي دول كانوا ٦ جلطات في المخ و اداوبوا خلاص و تيجي انتي و كل اللي شافوا المعجزة دير الخطاطبة و تتناولوا و ايديها قعدت ساعتين تنزل زيت و في ازازة اتملت لوحدها زيت... 

ومارجرجس قال كل اللي شاف المعجزة يترشم و بعد كدة العذراء و ابانوب ظهرولها و العذراء قالتلها انا جيتلك مخصوص عشان انت كنتي بتقولي اني مبعملش معجزات ليكي و ان هي سابت علامة عالمراية و زيت العذراء كمان نزل...
والرؤية او الظهور ده استمر لأربع ساعات بس هي حاسيتهم كأنهم دقيقتين...
وفي ناس غير مسيحية راحت واخدت بركة واتأكدوا من المعجزة بنفسهم...
وفي راهب راح البيت وصلى واتأكد انها معجزة وعمل الهي، وعمل تمجيد والزيت زاد جداً اثناء التمجيد...
والعمارة دلوقتي بقت مشهورة اوي في روكسي وعدد الناس اللي بيزور كتير جداً...
والزيت يا جماعة انا حطيته على ايدي ووشي فعلا وبجد حاجة غريبة اوي ان الزيت مش زيت عادي... ده ليه ريحة خفيفة كده وبيدوب في الايد كأنه ميه!! بس ليه ملمس الزيت!! بجد زيت سمائي...
ربنا يدينا نعمة اننا نؤمن ونصدق بالقديسين ومعجزاتهم...
واللي فعلا حسيت ان ربنا عاوز يوصلهولنا من وراء المعجزة دي ان القديسين بيشتغلوا حلو اوي وبيسمعونا وبيعملوا معجزات لمن يؤمن حقاً... بس في الوقت المناسب وبالطريقة المناسبة... سيبوا ربنا يتصرف وآمنوا انكم في ايد امينة