شهادة الباحث المصرى المعروف حامد عبد الصمد
بعد ما عملت حلقة في صندوق الإسلام عن العنف ضد المسيحيين في مصر مراسلة سي إن إن في الإمارات اتصلت بيا وقالت عايزين يعملوا ريبورتاج عن وضع المسيحيين في مصر ودور الأزهر في التحريض ضدهم وطلبت تعمل معايا حوار عن الموضوع... النهاردة اتصلت بيا وقالت لي مش هيقدروا يعملوا التقرير عشان مفيش ولا مسيحي واحد من اللي اتهجروا من العريش عايز يتكلم معاها وحتى اللي نفسه يتكلم خايف وقال لها "ممنوع نتكلم". كمان الكنيسة رفضت تديهم أي تصريح... امبارح شيخ الأزهر بينتقد العنف المسيحي واليهودي والنهاردة البابا تواضروس بيقول "أرفض مصطلح: تهجير"..
انتقد يا شيخ الأزهر الدمل اللي في وش الآخرين وانسى السرطان اللي بياكل في جسم دينك ووطنك، وارفض يا بابا براحتك أي مصطلحات. مفيش عنف مفيس تهجير مفيش تحريض، وآهو كله فدا مصر ونَعم تزيد النِعم، ونترككم في رعاية الله حتى تفجير آخر.. آسف: حتى نِعمة أخرى!
