وده ابويا اللى كان نجم اتولد فى عالمنا نجم بنور رائع مصرى هرم رابع فى وقت عاطش جائع وحبه للمسلم فى الباطن والشائع ومواقفه فى الوحده بتنقذ الواقع ماهو دافى وبيعادل بين ساخن مع ساقع وفى عروبته كان يظهر شارى مش بايع
هو ده ابويا.....
♥
هو ده ابويا
♥
♥
هو ده ابويا اللى ف عظاته الجمعه والاربع بعديه كان يكشف المجد او ليله ف لياليه بوعظه واجابه عن امتى او ليه ويسكت العاصف باشاره بايديه وساعه مااتشال يروح تقلب رجليه حسينا اننا روحه او قلبه او عينيه
هو ده ابويا.....
♥
هو ده ابويا
♥
♥
هو ده ابويا اللى كان وكان كان اسد وحمامه كان دمعه بسامه كان منهج بعلامه كان غصن وسلامه كان برج مع قامه كان قافيه للعامه كان رقه فى ملامه ويدافع ويحامى كان بركه كتير ياما وحضوره بزعامه فمه بلاكمامه وعينه بلاغمامه ولو نام فى منامه فبعد النوم قام هو ده ابويا.....
♥
هو ده ابويا
♥
♥
هو ده ابويا اللى علاقته مع ربه ينبوع مش بير عايش مع ربه فى الخدمه والدير بيشوفه ف النعمه زى مافى الخير بيعاشره ف الجحر بطبيعه الطير ويرفرف بحنانه ع حامل النير ويدخل بسلامه للقبطى والغير هو دا ابويا.....
♥
هو ده ابويا
♥
♥
هو ده ابويا اللى الحاجه بتعيش فيه من قبل مايعيشها فحبه لنيل مصر شربه مع عيشها ودافع عن مصر من قبل سلاح جيشها كان طير ف البريه بيحلقها بريشها من قبل الاسكيم او جلبيه بخيشها لانه كان مات عن الدنيا بطيشها
هو دا ابويا.....
♥
هو ده ابوبا
♥
♥
هو ده ابويا اللى شديد ومايشكى لو حتى بيتالم ويشبه ف الضيقه شجره بتتالم ف تحفظ كان شمس والدنيا بتضلم وخرج متسامح يتقدم ويسلم ف الخدمه واتعابها كان بولس بيعلم فحتى لو مات هيفضل يتكلم
هو دا ابويا.....
♥
هو ده ابويا
♥
♥
هو ده ابويا اللى بنحبه بنحبك يابابا بنحبك يابابا ف يوم تكريمه الحب اتفجر بكى ف حتى اللى قلبه متحجر ينابيع ف دموع مع عقل متفكر ازاى هنودع ابو قلب متسكر ابو كلمه بتروق دم المتعكر وتعزى المحزون والقلب يتشكر♥
يارب عوض ابويا عوض البابا شنوده عن كل خدماته لملايين من شعبه
بالوانه وخاماته واشعاره بالفاته وباءاته ولباته وعظاته للزوج وللزوجه وحماته
وارشاده للروح والقلب وقاماته دا خدمنا يارب ف حياته ومماته
هو دا ابويا........
♥
♥البابا شنوده♥ ابونا فلتاؤس♥
