أسقف بني سويف مفيش حاجة اسمها كنيسة بدون صليب أو قبب أو جرس

قال نيافة الحبر الجليل الأنبا غبريال أسقف بني سويف خلال محاضرته الأسبوعية بمطرانيه السيدة العذراء ردا علي احد الأسئلة حول موافقة المجمع المقدس، علي قانون بناء الكنائس بدون أن يكون فيها جرس أو قبب أو صليب. أكد أسقف بني سويف أن هذا الكلام خطأ جدا مفيش حاجة اسمها كنيسة بدون صليب أو قبب أو جرس وأقول لكل الناس مش هتخافوا علي بناء الكنائس أكثر منا أحنا اللي بيطلع عنينا في موضوع بناء الكنائس وفي التصاريح والموافقات فليس من المعقول أن يكون هناك فرصة لإصدار قانون جيد ونسيبها ؟ وأضاف أسقف بني سويف انه ليس معني ذلك أن القانون سيكون عشرة علي عشرة ولو طلع فيه مشاكل يبقي أحنا مش قادرين وليس أننا متساهلين ولو وفقنا أحنا اللي بيطلع عنينا يعني إحنا هنجيب التعب لأنفسنا ؟ وللناس ولو القانون طلع مش علي هوانا يبقي إحنا مقدرناش مش تساهل فلو الحكومة أو البرلمان حطت قلقيعة في القانون والعقدة في المنشار هنقول لهم مش عاوزينه بلوه واشربوا ميتة لكن منقدرش نقول أن القانون ميطلعش وأشار أسقف بني سويف أن القانون حتي مناقشته داخل المجمع المقدس كويس جدا وسوف يعرض علي الحكومة والبرلمان ومجلس الدولة.